हॉलिवूड स्टार मायकल डग्लस 'नाटू नाटू' वर थिरकले, बिग बींचा डायलॉगही बोलला; पाहा व्हिडिओ

डग्लस यांनी बॉलिवूड सुपरस्टार अमिताभ बच्चन यांचा प्रसिद्ध डायलॉग बोलून दाखवला आणि नाटू नाटू गाण्यावर देखील थिरकले.
Michael Douglas Viral Video At 54 IFFI Goa
Michael Douglas Viral Video At 54 IFFI Goa
Published on
Updated on

Michael Douglas Viral Video At 54 IFFI Goa: हॉलिवूड मायकल डग्लस यांना ५४ व्या इफ्फीत सत्यजीत रे जीवन गौरव पुरस्कार देऊन सन्मानित केले जाणार आहे. डग्लस यांनी मंगळवारी कला अकादमी येथे आयोजित मास्टरक्लासला हजेरी लावली. यात डग्लस यांनी त्यांचा अभिनय प्रवास आणि जागतिक सिनेमाबाबत भाष्य केले.

संवादादरम्यान, डग्लस यांनी बॉलिवूड सुपरस्टार अमिताभ बच्चन यांचा प्रसिद्ध डायलॉग बोलून दाखवला आणि नाटू नाटू गाण्यावर देखील थिरकले.

मायकल डग्लस यांना इफ्फीतील मास्टरक्लास वेळी मॉडरेटर शैलेंद्र सिंह यांनी अमिताभ बच्चन यांचा डायलॉग बोलून दाखवण्याची विनंती केली. ‘रिश्ते में तो हम तुम्हारे बाप होते हैं, नाम है शहंशाह’. हा शहंशाह सिनेमातील डायलॉग डग्लस यांना बोलून दाखवण्याच विनंती केली.

डग्लस यांनी सिंह यांच्या पाठोपाठ हा डायलॉग रिपीट करत शहंशाह ठिकाणी मायकल डग्लस असे नाव घेऊन हा डायलॉग उच्चारला.

संवाद सत्रानंतर मायकल यांनी नाटू नाटू गाण्यावर डान्स केला, यावेळी स्टेजवर त्यांना काही तरुण देखील सहभागी झाले.

दरम्यान, मायकल डग्लस यांना ५४ व्या इफ्फीत सत्यजीत रे जीवन गौरव पुरस्कार देऊन सन्मानित केले जाणार आहे. नऊ दिवासांच्या या महोत्सवाचा मंगळवारी समारोप होत आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com