Quepem News: केपेत स्मार्ट फोन, स्मार्ट वॉच, ब्ल्यु टुथ स्पीकर्स जप्त; वजन माप खात्याची कारवाई

Metrology Department Quepem: केपे येथील मोबाईल फोन विक्री करणाऱ्या दुकानावर वजन माप खात्याने कारवाई केली आहे.

फोन, स्मार्ट वॉच, ब्ल्यू टुथ स्पीकर असा एक लाख रूपयांचा मुद्देमाल जप्त करण्यात आला आहे. वैधमापन शास्त्र कायद्याचे उल्लंघन केल्याप्रकरणी ही कारवाई करण्यात आली.

वजन माप खात्याने केपे येथे निरीक्षण मोहिम राबवली होती. त्यातून संबंधित मोबाईल विक्रेत्याने वैधमान शास्त्र कायदा 2009 चे उल्लंघन केल्याचे समोर आले. त्यामुळे त्याच्याकडून 8 बॉक्स जप्त करण्यात आले आहेत. त्यात स्मार्ट फोन तसेच स्मार्ट वॉच असा मुद्देमाल आहे.

शिवाय ब्ल्यु टुथ स्पीकरही जप्त करण्यात आले आहेत. हा सर्व मुद्देमाल सुमारे 1 लाख रूपयांचा आहे.

वैधमापन शास्त्र अधिनियम, 2009 अंतर्गत वजन व मापे यांचे मुद्रांकन, पडताळणी व प्रमाणपत्र देण्याचे काम केले जाते. त्याचे निकष पाळले गेले नाहीत तर वजन माप खात्यातर्फे कारवाई केली जाते.