हवामान विभागाचा अंदाज ठरला खरा, वाळपई-डिचोलीत पाऊस

गेल्या काही दिवसांपासून राज्यात तापमान वाढ होत असून उष्णता वाढली आहे. दरम्यान 20 मार्च रोजी भारतीय हवामान विभाग, पणजी यांनी ढगाळ वातावरणामुळे एक-दोन दिवसात हलक्या पावसाची शक्यता वर्तवली होती. आता पुन्हा हवामान विभागाने चेतावणी दिली असून उत्तर गोव्यासह दक्षिण गोव्यात 30-40 किमी प्रतितास वेगाने वारे वाहण्याची शक्यता वर्तविली आहे. त्यामुळे उत्तर गोव्यासह दक्षिण गोव्यातील (South Goa) किनारपट्टीवर राहणाऱ्या नागरिकांनी सतर्कत राहण्याची गरज आहे. दरम्यान, आज वाळपई, डिचोलीत (Bicholim) चांगलाच पाऊस झाला आहे. हवामान विभागाचा अंदाज खरा ठरला आहे.

तसेच भारतीय हवामान विभागाच्या पणजी वेध शाळेने उत्तर गोव्यासह दक्षिण गोव्यात पुढील 3-4 तासांत हलका ते मध्यम पाऊस (Rain) पडण्याची शक्यताही वर्तविली आहे. हलका ते मध्यम पाऊससह मेघगर्जना आणि विजांचा कडकडाट ही होऊ शकतो असेही हवामान विभागाने सांगितले आहे.

दरम्यान भारतीय हवामान विभागाच्या पणजी वेध शाळेने पावसाची शक्यता वर्तविताना नागरिकांना चेतावणी देत उत्तर गोव्यासह (North Goa) दक्षिण गोवा जिल्ह्यात 30-40 किमी प्रतितास वेगाने वारे वाहण्याची शक्यता ही वर्तविली आहे. त्यामुळे उत्तर गोव्यासह दक्षिण गोव्यातील किनारपट्टीवर राहणाऱ्या नागरिकांनी सतर्कत राहण्याची गरज आहे.