Goa Rain Update: गेल्या काही दिवसांपासून राज्यातील काही भागांत तुरळक पावसाचा शिडकावा पडत आहे. पणजीसह काही भागांत पावसाने हजेरी लावली. पाऊस पडत असला तरी राज्यातील उष्मा दिवसेंदिवस वाढत चालला आहे. हवामान खात्याने ‘यलो अलर्ट’ जाहीर केला असला तरी मंगळवारी पणजीत सर्वाधिक कमाल ३६ अंश सेल्सिअस तापमानाची नोंद झाली. मुरगावातील कमाल तापमान ३५.४ अंश सेल्सिअस होते.
उष्ण आणि दमट राहणार असून हे तापमान ३५ ते ३६ अंश सेल्सियस राहील, असा अंदाज हवामान खात्याने व्यक्त केला आहे. या काळात जाणवणारे तापमान (हिट इंडेक्स) ४० अंश सेल्सिअसपेक्षा कमी राहण्याची शक्यता आहे. गेल्या दोन दिवसांत राज्यातील विविध भागांत कमाल तापमान ३३ ते ३६ अंश सेल्सिअस होते.
पणजीतील (Panji) किमान तापमान २८ अंश तर मुरगावातील किमान तापमान २७.६ अंश सेल्सिअस होते, अशी माहिती हवामान खात्याने दिली. आज संध्याकाळी खोर्ली, सांताक्रुझ व पणजी परिसरात पडलेल्या पावसामुळे घरी परतणाऱ्या दुचाकीस्वारांचे बरेच हाल झाले.
राज्यात उष्णतेच्या लाटेची शक्यता नसल्याचे हवामान खात्याने स्पष्ट केले असले तरी नागरिकांना (Citizens) काळजी घेण्याचे आवाहन करण्यात आले आहे. त्यानुसार समुद्र किनाऱ्यावरील क्रीडा प्रकार टाळावेत, झाडाखाली आसरा घेणे टाळावे, शक्यतो उन्हात फिरू नये, सुती कपडे वापरावेत, उन्हात बाहेर पडताना डोके झाकण्यासाठी टोपी, छत्री किंवा अन्य साधन वापरावीत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.