गोवा वैद्यकीय महाविद्यालय नेहमीच या-ना त्या कारणामुळे चर्चेत असते. GMC चा कारभार पाहणारे आरोग्यमंत्री यांच्याकडे या खात्यासह अजून तीन खाती असल्यामुळे कुठेतरी आरोग्य खात्यातील गैरकारभार सुरू असल्याची कल्पना त्यांना नाही, असे बोलले जात आहे.
काही दिवसांपूर्वी आरोग्यमंत्री विश्वजीत राणे यांनी जीएमसीमध्ये 'सरप्राईज भेट' दिली असून अधिकाऱ्यांची चौकशी केली; आणि यानंतर चारच दिवसांमध्ये एक महत्त्वाची बातमी समोर येत आहे की, जीएमसीच्या मागील भागामध्ये वैद्यकीय कचरा (Medical Waste) खुल्या जागेत टाकले असल्याचा गैरप्रकार उघडकीस आला आहे.
नगरनियोजन,वन खाते तसेच महिला आणि बालकल्याण विभागाच्या कामांमध्ये व्यस्त असलेले मंत्री आरोग्य खात्याकडे मात्र दुर्लक्ष करत असल्याचे चित्र दिसून येत आहे.
वैद्यकीय कचऱ्यामुळे भागातील नागरिकांचे आरोग्य धोक्यात ?
गोवा मेडिकल कॉलेजच्या फॉरेन्सिक मेडिसिन आणि टॉक्सिकॉलॉजी फॅकल्टी (forensic medicine and toxicology faculty) शवागार विभागाच्या मागे, मोकळ्या जागेत मोठ्या प्रमाणात वैद्यकीय कचरा टाकण्यात आला आहे. यामुळे gmcचा अनागोंदी कारभार पुन्हा एकदा समोर आला आहे.
काही दिवसांपूर्वी आरोग्यमंत्र्यांनी हॉस्पिटलला भेट देऊन विभागांची पाहणी केली होती. त्यांच्या निगराणीतही असे गैरप्रकार कसे घडू शकतात? असा सवाल आता उपस्थित होत आहे. संबंधित प्रकाराबद्दल नागरिकांनी नाराजी व्यक्त केली असून आरोग्यमंत्र्यांच्या कामावर प्रश्नचिन्ह निर्माण झाले आहे.
संबंधित प्रकाराबद्दल त्वरित कारवाईची मागणी होत आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.