मये-वायंगिणी पंचायतीच्या रिक्त सरपंच पदासाठी बुधवारी (ता. 29) निवडणूक होणार असून, सुवर्णा चोडणकर यांची सरपंचपदी निवड जवळपास निश्चित झाली आहे. पंचायत खात्याच्या परिपत्रकानुसार नवीन सरपंचांची निवड करण्यासाठी बुधवारी सकाळी 10.30 वाजता पंचायत मंडळाची बैठक बोलाविण्यात आली आहे.
सत्ताधारी गटात झालेल्या अंतर्गत करारानुसार सहा महिन्यांची मुदत संपुष्टात येताच दिलीप शेट यांनी गेल्या 1 मार्च रोजी सरपंचपदाचा राजीनामा दिल्याने हे पद रिक्त आहे.
अंतर्गत करारानुसार दिलीप शेट यांच्यानंतर सरपंचपदासाठी प्रभाग 6 मधून बिनविरोध निवडून आलेल्या सुवर्णा चोडणकर यांचे नाव सुरवातीलाच निश्चित करण्यात आले आहे. त्यामुळे पुढील सरपंच म्हणून त्यांनाच संधी मिळणार असल्याचे जवळपास स्पष्ट आहे. बुधवारी त्यांची बिनविरोध निवड होण्याची शक्यता आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
