मडगाव : 2002 साली घडलेल्या वीज सवलत घोटाळा प्रकरणाची सुनावणी आज तब्बल 20 वर्षांनी सुरू झाली असून आज या प्रकरणी दक्षिण गोव्याचे अतिरिक्त सत्र न्यायाधीश व्हिन्सेंट सिल्वा यांच्या न्यायालयात सुरू झाली असून आज या प्रकरणात पहिल्या दोन साक्षीदारांच्या साक्षी नोंदवून घेण्यात आल्या.
सध्याचे पंचायत मंत्री आणि तत्कालीन विजमंत्री मॉविन गुदिन्हो हे या प्रकरणातील मुख्य संशयित असून या घोट्याळ्याची एकंदर व्याप्ती 4.52 कोटींची आहे.
राज्य सरकारने (government) वीज बिल सवलत देण्याची योजना बंद करूनही गुदिन्हो विजमंत्री असताना कुंकळ्ळी येथील दोन उद्योगांना पूर्वलक्षी पद्धतीने सवलत दिल्याचा आरोप त्यांच्यावर ठेवण्यात आला होता. तात्कालीन मुख्यमंत्री मनोहर पर्रीकर (Manohar Parrikar) यांनी ही कारवाई (Action) सुरू केली होती.
या प्रकरणात गुदिन्हो यांच्यासह माजी मुख्य वीज अभियंते टी. नटराजन तसेच ही सवलत ज्यांना देण्यात आल्याचा आरोप आहे त्या मार्मुगाव स्टील्सचे आर. के. राधाकृष्ण व व्ही. एस. भांडारी तसेच बिनानी झिंकचे के. व्ही. कृष्णकुमार हे अन्य संशयित आहेत. या सर्व संशयितांवर भ्रष्टाचार प्रतिबंधक कायद्याखाली खटला चालू आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
