Margao News : मडगाव नगरपालिकेच्या बाजार समितीची बैठक आज (ता.२४) पार पडली. या बैठकीत केवळ चार मुद्दे होते. त्यावर चर्चा करण्यात आली. बाजारामधील दुकानांचे यापुढे केवळ रक्ताचे नाते असलेल्यांनाच हस्तांतरण करता येईल, असा निर्णय बैठकीत घेण्यात आला.
समितीचा हा निर्णय नगरपालिकेच्या कौन्सिलच्या बैठकीत मांडला जाईल व नंतर त्यावर शिक्कामोर्तब केले जाईल. तसेच ज्या दुकानदारांना आपली दुकाने दुरुस्त करायची असतील त्यांना केवळ नगरपालिकेने जी जागा दिली आहे तेवढीच दुरुस्ती करण्याची परवानगी दिली जाईल.
सोमवारी मडगाव मार्केटला भेट देऊन सर्वेक्षण केले जाईल. यावेळी नगराध्यक्ष, मुख्याधिकारी व इतर अधिकारीही बरोबर असतील, असे उपनगराध्यक्ष तथा बाजार समितीच्या अध्यक्षा दीपाली सावळ यांनी सांगितले.
मार्केटमध्ये शिस्त आणण्याचा प्रयत्न
मार्केटमध्ये दुकानदारांनी आपली जागा सोडून बाहेरील जागा व्याप्त करून आपले साहित्य तेथे ठेवले आहे. त्यामुळे लोकांना मोकळेपणे फिरणेही कठीण झाल्याचे दिसून आले आहे. आम्ही मार्केटमध्ये शिस्त आणण्याचा प्रयत्न करणार आहोत, असे उपनगराध्यक्ष दीपाली सावळ यांनी सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.