Goa Theft: पर्यटक म्हणून आले,गाडी घेऊन पळाले!

Margao Police: मडगाव पोलिसांनी रांजणगाव येथे जाऊन दोघांच्‍या मुसक्‍या आवळल्‍या
Margao Police: मडगाव पोलिसांनी रांजणगाव येथे जाऊन दोघांच्‍या मुसक्‍या आवळल्‍या
Car TheftCanava

गोव्यात पर्यटक म्हणून आलेले व भाड्याने गाडी घेऊन महाराष्ट्रात पळून गेलेले जावेद इस्माईल (३३, उत्तराखंड) आणि शान खान (३२, उत्तर प्रदेश) या दोघांच्‍या मुसक्‍या मडगाव पोलिसांनी रांजणगाव येथे जाऊन आवळल्‍या.

मडगाव पोलिसांकडून मिळालेल्या माहितीनुसार, दोन्ही संशयित दोन दिवसांपूर्वी मडगावात आले होते. त्यांनी मडगाव रेल्वेस्थानकाजवळ उतरून एका व्यावसायिकाकडून ‘रेंट अ कार’ दोन दिवसांसाठी स्वतः चालविण्यास भाड्याने घेतली.

काल त्या दोघांनी काल ही कार मालकाला परत न करता परस्‍पर घेऊन महाराष्ट्राची वाट पकडली. येथे कारमालकाने आपल्या ट्रेकिंग डिव्हायसवर पाहिल्यावर त्याला आपली गाडी घेऊन संशयित महाराष्ट्रात जात असल्याचे दिसून आले. लगेच त्याने मडगाव पोलिसांशी संपर्क साधून घटनेची माहिती दिली. त्‍यानंतर पोलिसांचे पथक महाराष्ट्रात रवाना झाले.

सदर गाडी रांजणगाव येथील एका गॅरेजच्या बाहेर पार्क करून ठेवलेली ट्रेकिंग करताना दिसून आल्यावर स्थानिक पोलिसांच्या मदतीने मडगाव पोलिस त्या गॅरेजजवळ पोहोचले व त्‍यांनी संशयितांना ताब्‍यात घेतले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com