Margao Muncipality: मडगाव पालिकेची कित्येक विनावापर वाहने गॅरेजमध्ये सडत असल्याचे वृत्त प्रसिद्धी माध्यमांनी दिल्यावर अखेर काल मडगाव पालिकेला जाग आली. नगराध्यक्ष दामोदर शिरोडकर यांनी अन्य नगरसेवकांसोबत या गॅरेजमध्ये जाऊन वाहनांची पाहणी केली.
मडगाव नगरपालिकेने जेबीएस-4 इंजिनचे तीन ट्रक घेतले होते. त्यांची नोंदणी करून ते चालविण्याची परवानगी द्यावी, अशी विनंती करणारे पत्र वाहतूक खात्याला केली असल्याची माहिती शिरोडकर यांनी दिली.
या गॅरेजमध्ये एक शववाहिका विनावापर पडून होती. देखभालीअभावी ती गंजण्याच्या स्थितीत आहे. या गाडीची दुरुस्ती करून ती पुन्हा सेवेत आणावी, अशी सूचनाही त्यांनी केली.
प्रशासनाकडून रखडले काम
एक ट्रक आणि दोन रिक्षा या ठिकाणी तशाच पडून होत्या. या तिन्ही वाहनांची दुरुस्ती करून त्यांचाही कामासाठी वापर करण्यात येईल. पालिकेचे दोन ट्रक भंगारात काढले होते. हे ट्रक भंगारात काढण्यासाठी निविदा प्रक्रिया पूर्ण झाली आहे. केवळ प्रशासकीय प्रक्रिया पूर्ण करण्यासाठी हे काम रखडले आहे, असे शिरोडकर म्हणाले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.