Margao Municipality: मडगाव नगरपालिकेच्या थकबाकी वसुली पथकाने 1 कोटी 2 लाख रुपये 43 दिवसात गोळा करण्यात यश मिळविले असल्याची माहिती नगराध्यक्ष दामोदर शिरोडकर यांनी दिली.
काही वर्षांपासून रखडून पडलेली कर थकबाकीची वसुली नगरपालिकेच्या पथकाने नोव्हेंबर 22 मध्ये सुरू केली होती.
मडगाव नगरपालिकेचे विद्यमान नगराध्यक्ष दामोदर शिरोडकर यांनी नगराध्यक्षपदाचा ताबा घेतल्यावेळी प्रथम थकबाकी वसुली व कचरा नियोजनावर भर दिला होता. या वसुलीत 15 दिवसांच्या काळात चाळीस लाख रुपये नगरपालिकेच्या तिजोरीत जमा झाले
43 दिवसात एक कोटी रुपयांपर्यंतचा टप्पा या थकबाकीने गाठला आहे. थकबाकी वसुलीसाठी नगरपालिलेने विशेष पथक तयार केले आहे. दर दिवशी हे पथक दोन लाखापर्यंतची थकबाकी वसुली करीत आहे.
नगराध्यक्षपदाचा ताबा घेतल्यानंतर प्रथम कर थकबाकी वसुलीवर लक्ष केंद्रित केले होते. या वसुलीला थकबाकीदारांकडून प्रतिसाद लाभत आहे. टप्याटप्याने ही वसुली गोळा करण्यात येत आहे . ही थकबाकी 17 कोटी रुपयांच्या आसपास आहे. या वसुलीसाठी थकबाकीदार असलेल्यांनी सहकार्य करावे.- दामोदर शिरोडकर, नगराध्यक्ष
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
