Margao : मडगाव येथील अग्निशमन दलाचे पथक गुरुवारी पूर्ण दिवसासाठी अनेक ठिकाणी लागलेली आग विझविण्यात व्यस्त राहिले. मडगाव व सभोवतीच्या परिसरात एकंदरीत 8 ठिकाणी आग लागण्याचा प्रकार घडला. यात दलाच्या पथकाने 5 ते 6 लाख रुपयापर्यंत मालमत्ता आगीपासून वाचविण्यात यश मिळविले, अशी माहिती मडगाव अग्निशमन दल अधिकारी गिल डिसोजा यांनी दिली.
नवावाडो-सेर्नभाटी, कोलवा येथील रोमिओ कॉटेजजवळ सुक्या गवताला दुपारी 1 वाजण्याच्या सुमारास आग लागली. यात 10 हजार रुपयांचे नुकसान झाले, 5 लाख रुपयांची मालमत्ता वाचविण्यात आली. यावेळी मडगाव परिसरातील आग विझविण्याचा गाड्या व्यस्त असल्याने वेर्णा या ठिकाणाहून अग्निशमन दलाची गाडी पाचारण करण्यात आली.
कुडतरी येथील सेंट अँथोनी चॅपेलजवळ सुक्या गवताला आग लागली. मात्र यात काही नुकसान झाले नाही. कार्मोणा येथील पोस्ट ऑफिसजवळ सुक्या गवताला आग लागली, मात्र यात काही नुकसान झाले नाही. दवरली पंचायतीजवळ सायंकाळी 4. 45 वाजता सुक्या गवताला आग लागली. याही ठिकाणी कोणतीही मालमत्ता हानी झाली नाही.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
