Margao News: हा कचरा येतो कुठून? मडगावात नागरिक हैराण; पालिकेकडून सर्व काही सुरळीत असल्याचा दावा

Margao Garbage Problem

मडगाव: येथील कोंकण रेल्वे ते रावणफोंड, पॉवर हाऊस ते मारुती मंदिर, सोनसड्यावरून कुडतरी तसेच राय येथे जाण्याऱ्या रस्त्यावर रस्त्याच्या दोन्ही बाजूला कचरा मोठ्या प्रमाणात फेकला जात आहे. त्यामुळे याठिकाणी कचऱ्याच्या राशी तयार झाल्या आहेत. हा कचरा कुठून येतो, कोण फेकतो, असे अनेक प्रश्न शहरवासीय विचारत आहेत, असा दावा शॅडो कौन्सिल संघटनेने केला आहे.

फातोर्डा मतदारसंघ हा मडगाव पालिका क्षेत्रात येत असला तरी फातोर्डा भागात कचऱ्याची समस्या तेवढी जाणवत नाही. मात्र मडगाव मतदारसंघात कचऱ्याचे प्रमाण जास्त असल्याचे दिसून येते. हा कचरा नेमका येतो कुठून, कोण हा कचरा फेकतात, त्यांच्यावर कारवाई का केली जात नाही का, असा प्रश्न मडगावातील नागरिक पालिकेला विचारत आहेत. परंतु पालिका सफाई विभागाकडून सर्वकाही सुरळीत असल्याचे सांगण्यात येते. मात्र, स्थिती मात्र वेगळीच आहे.

मुख्यमंत्री डॉ. प्रमोद सावंत यांनी पोलिस खात्याला कारवाई करण्याचे आदेश दिले आहेत. मात्र, शेडो कौन्सिल फॉर मडगावचे निमंत्रक सावियो कुतिन्हो यांनी मडगावात सध्या ब्लॅक स्पॉटचा आकडा १०० वरती गेले आहेत, असा दावा केला.