मडगाव: आपल्या सहकारी मित्राला मडगावच्या कोकण रेल्वे स्टेशनवर सोडून परत येत असताना झुडपात लपून बसलेल्या काहीजणांनी चौघांवर अचानक हल्ला चढवून एकाचा मोबाईल व ४०० रुपये पळवून नेण्याची घटना काल शनिवारी पहाटे पाचच्या सुमारास मडगावात घडली.
पोलिसांत तक्रार नोंद झाल्यानंतर पोलिसानी चौघांच्या मुसक्या आवळल्या. त्यांना अटक करून नंतर न्यायालयात उभे केले असता अधिक चौकशीसाठी पाच दिवसांची पोलिस कोठडी देण्यात आली आहे.
या प्रकरणी सनी तिरकी हे तक्रारदार आहेत. स्टेशन रोड येथील ‘साई दरबार’ हॉटेलमध्ये ते काम करतात. याच हॉटेलमधील आपल्या एका मित्राला अन्य तीन सहकाऱ्यांसह सोडून येताना हा हल्ला झाला. तक्रारदार व त्याचे मित्र हे ‘साई दरबार’ हॉटेलमध्येच काम करतात. संशयितांनी मोबाईल हिसकावून घेतल्यानंतर सीम कार्ड फेकून दिले होते.
तक्रारदाराने पोलिसांना संशयिताचे वर्णन केले होते. त्या आधारे पोलिसानी माग काडून सर्व संशयितांना अटक केली. अस्लम शेख (२२, हुबळी), दीपक सहानी (२३, हुबळी), आफताब खान (२२, राणीबिन्दूर) व आकाश बोटे (१८, पुणे) अशी संशयितांची नावे आहेत. पोलिस निरीक्षक सूरज सामंत अधिक तपास करत आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
