Margao Agriculture : एसजीपीडीए’जवळील शेतात थर्माकोलचा कचरा

मडगाव, एसजीपीडीए घाऊक मासळी मार्केटनजीकच्‍या शेतात थर्माकोलचा कचरा, सांडपाणी गेल्‍याने संपूर्ण शेतजमीन प्रदूषित झाली आहे.

या कचऱ्यावर प्रक्रिया करण्‍यासाठी मडगाव पालिकेजवळ कोणतीच यंत्रणा नसल्‍याने शेजारील राज्‍यातून गोव्‍यात मासळी घेऊन येणारे लोक हा कचरा शेतात फेकतात. थर्माकोलच्‍या कचऱ्यावर प्रक्रिया होत नाही.

बाहेरील राज्‍यातून गोव्‍यात येणारी मासळी थर्माकोलच्‍या बाॅक्‍समधून येते. त्‍यानंतर मासळीचे बॉक्‍स खाली केले जातात. परंतु त्‍यानंतर कचरा तसाच उघड्यावर फेकून दिला जातो.

शॅडाे कौन्‍सिल फॉर मडगावचे निमंत्रक सावियो कुतिन्‍हो यांना विचारले असता, थर्माकोलवर बंदी घालण्‍यात आल्‍याचे सरकारकडून सांगण्‍यात येते. मग हा थर्माकोलचा कचरा कुठून येतो, असा सवाल त्‍यांनी केला.