Goa Crime: भूमिगत वीज केबल चोरणाऱ्या टोळीच्या पोलिसांनी आवळल्या मुसक्या! तब्बल 20 लाखांचा मुद्देमाल जप्त

Mapusa police crack down on cable theft gang

म्हापसा: वीज खात्याची भूमिगत केबल चोरी करणाऱ्या टोळीला म्हापसा पोलिसांनी गजाआड केले. याप्रकरणी चौघांना अटक केली असून, संशयितांकडून २० लाखांचा मुद्देमाल जप्त केला.

संशयितांकडून पोलिसांनी भूमिगत वाहिन्यांचे १८ केबल, कटर, स्कूटर, अ‍ॅल्युमिनियम केबलच्या १० पिशव्या तसेच एलपीजी सिलिंडर आदी साहित्य जप्त केले. दरम्यान, सध्या पोलिसांनी रात्रीची गस्त वाढविली असून, या गस्तीवेळी संशयितांना केबल चोरताना पोलिसांनी रंगेहाथ पकडले.

याप्रकरणी पोलिसांनी मोहम्मद रेहान अली (१९, रा. मडगाव व मूळ उत्तर प्रदेश), सैफ खान (१८, कोलवाळ), फिरोज अब्दुल रहीम खान (१९, रा. कोलवाळ व मूळ नाशिक) व रामू नंदू सोनी (२१, फोंडा व मूळ उत्तर प्रदेश) यांना अटक केली आहे.