गोव्यात अपघातांची संख्या वाढलेली असतानाच पत्रकार सावियो राॅड्रीगीस यांनाही काल एका कारने धडक देऊन कारचालकाने तेथून पळ काढला.
हा प्रकार काहीसा संशयास्पद स्वरूपाचा हाेता, असा दावा रॉड्रीगीस यांनी केला असून कदाचित यामागे घातपाताचा प्रकार तर नसावा ना अशी शंका व्यक्त केली आहे.
सावियो रॉड्रीगीस हे ‘गाेवा क्रोनिकल’ ही आपली व्हेबसाईट चालवितात. काल सकाळी आपल्या मुलीला चाैगुले महाविद्यालयात सोडून ते परतत असताना घाेगळ येथील मारुती मंदिराजवळ हा अपघात घडला.
राॅड्रीगीस यांनी सांगितले, की आपल्या दिशेने कार येत असल्याचे पाहिल्यावर आपण आपली दुचाकी थांबवली. त्यावेळी ती कारही थांबली. कदाचित आपल्याला पुढे जा असा त्या कारचालकाचा इशारा असेल असे समजून आपण दुचाकी सुरू केली. त्याचवेळी त्यानेही आपली गाडी सुरू करून आपल्या दुचाकीला धक्का दिला. त्या धक्क्याने आपण खाली पडलो. मात्र, आपली कुठलीही मदत न करता ताे कारचालक पळून गेला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
