Mapusa Crime News: म्हापशात अल्पवयीन मुलांना भीक मागायला लावणाऱ्या संशयितावर गुन्हा दाखल

Mapusa Crime News: आपल्या अल्पवयीन मुलांना जबरदस्तीने भीक मागायला लावणे तसेच यातून मुलांची सुटका करणार्‍या फिर्यादीस शिवीगाळ करुन मारहाण केल्याप्रकरणी म्हापसा पोलिसांनी मूळ सोलापूर-महाराष्ट्रातील संशयिताविरुद्ध गुन्हा दाखल केला. गोपिनाथ बापू काळे (रा. म्हापसा) असे संशयिताचे नाव आहे.

पोलिसांच्या माहितीनुसार, ही घटना दि. 29 रोजी सायंकाळी 8.30च्या सुमारास म्हापसा केटीसी बसस्थानकावर घडली. संशयित आरोपीने आपल्या दोन अल्पवयीन मुलांना जबरदस्तीने भीक मागायला लावले होते. हा प्रकार लक्षात येताच, चाईल्ड लाईनच्या सदस्या असलेल्या फिर्यादी मायरा फर्नांडिस (20, म्हापसा) यांनी याप्रकाराला आक्षेप घेत, वरील दोन्ही मुलांचे रेस्क्यू केले. त्यामुळे संशयिताने फिर्यादीस शिवीगाळ करीत त्यांना मारहाण केली. यात फिर्यादीस दुखापत झाली.

याप्रकरणी म्हापसा पोलिसांनी संशयिताविरुद्ध भादंसंच्या कलम ५०४, ३३२, ३५३ तसेच बाल न्याय व गोवा भिक्षा प्रतिबंद कायद्याअन्वये गुन्हा नोंदविला. पोलिसांनी या रेस्क्यू केलेल्या आठ व पाच वर्षीय मुलाची रवारनगी सुरक्षा घरात केली.