Mapusa Bus Stand: म्हापसा बस स्थानकावर बस रिव्हर्स घेताना अपघात, वृध्द महिला गंभीर जखमी

Mapusa Bus Stand: म्हापसा बस स्थानकावर प्रवासी बसचा मोठा अपघात झाला असून, यात एक वृद्ध महिला गंभीर जखमी झाली आहे. महिलेच्या पायाला आणि चेहऱ्याला जखम झाल्याची माहिती समोर आलीय. महिलेला उपचारासाठी जिल्हा रूग्णालयात दाखल करण्यात आले आहे. आज (दि.22) सायंकळच्या सुमारास ही घटना घडली.

मिळालेल्या माहितीनुसार, म्हापसा बस स्थानकावर प्रवासी बस मागे घेताना बसच्या मागे असलेल्या एक वृद्ध महिला गंभीर जखमी झाली आहे. महिला मागे असल्याची माहिती चालकास नसल्याने हा अपघात झाला. वृद्ध महिलेच्या पायाला गंभीर जखम झाली असून, तिला उपचारासाठी रूग्णालयात दाखल करण्यात आले आहे.

बस क्रमांक GA 01- Z 8015 ही म्हापसा बस स्थानकावर रिव्हर्स घेताना ही घटना घडली.

म्हापसा बसस्थानकावर नेहमीच खासगी, कदंब प्रवासी बसची वर्दळ पाहायला मिळते. यात स्थानकावर दिवसभर मोठ्या संख्येने प्रवासी ये - जा करत असतात.