Goa Crime: नोकरीचे आमिष दाखवून महिलेला तीन लाखांचा गंडा

Mapusa Police: म्हापसा पोलिसांनी एकास अटक केली
Mapusa Police: म्हापसा पोलिसांनी एकास अटक केली
Fraud, ScamCanva

कोलवाळ येथील एका महिलेला सरकारी नोकरीचे आमिष दाखवून तिच्याकडून तीन लाख रूपये उकळल्याप्रकरणी म्हापसा पोलिसांनी चिन्मय अनिल मुजूमदार (४१, रा. फोंडा व मूळ वास्को) यास अटक केली.

हा प्रकार गेल्या वर्षी घडला होता. याप्रकरणी फिर्यादी महिलेने पोलिसांत तक्रार दाखल केली होती. फिर्यादींच्या दीराचे दुकान असून तिथे संशयित ये-जा करत असे. त्यामुळे त्यांच्यात ओळख झाली होती.

आपण मुख्यमंत्र्यांचा कार्यकर्ता असून लोकांना सरकारी नोकऱ्या मिळवून देतो, तुझ्याकडे कुणी असल्यास सांग असे संशयिताने फिर्यादींच्या दीराला सांगितले. त्यांनी आपली भावजय असल्याचे संशयिताला सांगितले. नंतर सरकारी नोकरी देतो, असे सांगून संशयिताने फिर्यादींकडून तीन लाख रूपये घेतले. नोकरी मिळाली नाही तसेच पैसेही परत करत नसल्याने त्यांनी पोलिसांत धाव घेतली. नंतर पोलिसांनी कारवाई केली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com