Manohar Parrikar Yuva Scientist Award 2023: गोवा सरकारकडून युवा वैज्ञानिकांना प्रोत्साहन देण्यासाठी दिवंगत माजी मुख्यमंत्री मनोहर पर्रीकर युवा शास्त्रज्ञ पुरस्कार देण्याची घोषणा केली आहे. या पुरस्काराच्या माध्यमातून युवा वैज्ञानिकांना पाच लाख रूपये बक्षीस स्वरूपात देण्यात येणार आहेत.
युवा वैज्ञानिक पुरस्कार अर्जासाठी मुदतवाढ देण्यात आली आहे. मुख्यमंत्री प्रमोद सावंत यांनी याबाबत माहिती देताना राज्यातील युवकांना अर्जासाठी अवाहन केले आहे.
प्रमोद सावंत यांनी याबाबत एक ट्विट केले आहे. 'विज्ञान, तंत्रज्ञान आणि नवोपक्रमातील प्रतिभा ओळखण्यासाठी आणि गोव्यातील तरुणांमध्ये शाश्वत संशोधन क्षमतेला प्रोत्साहन देण्यासाठी, मनोहर पर्रीकर युवा वैज्ञानिक पुरस्कार 2023 दिला जाणार आहे.'
'यासाठी अर्ज सादर करण्याची अंतिम मुदत 15 ऑक्टोबर 2023 पर्यंत वाढवण्यात आली आहे. मी गोव्यातील तरुणांना पुरस्कारासाठी अर्ज करण्याचे आवाहन करतो.'
या पुरस्कारामार्फत पाच लाख रूपयांचे बक्षीस एका वैज्ञानिकाला देण्यात येईल, बक्षीस रकमेची तरतूद दरवर्षी संबधित विभागाच्या अर्थसंकल्पात केली जाणार आहे.
युवा वैज्ञानिक भारतीय नागरिक असावा त्याचे वय 35 पेक्षा अधिक असू नये. विज्ञान - तंत्रज्ञान आणि संशोधन विषयात त्याने काम केलेले असावे आणि एका शास्त्रज्ञाला एकदाच हा पुरस्कार घेता येईल असे सरकारच्या वतीने प्रसिद्ध केलेल्या प्रसिद्धीपत्रकात म्हटले आहे.
पुरस्कारासाठी असा करा अर्ज
युवा वैज्ञानिक पुरस्कार 2023 साठी इच्छुकांना dstwm.goa.gov.in/yuva-scientist-award/ यावर ऑनलाईन अप्लाय करता येईल. किंवा yuvascientistaward@zerowastegoa.com यावरती ई-मेल करता येईल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.