Mann Ki Baat 100: पंतप्रधान नरेंद्र मोदी (PM Modi) मन की बात या कार्यक्रमाच्या माध्यमातून देशवासियांसोबत संवाद साधत असतात. या कार्यक्रमाचा 100 वा भाग आज सर्वत्र प्रसारित झाला. 100 व्या भागासाठी देशातील विविध मान्यवर आणि या कार्यक्रमात वेळोवेळी उल्लेख केलेल्या लोकांना आमंत्रित करण्यात आले. आजचा भाग यशस्वी झाल्यानंतर गोव्याचे मुख्यमंत्री प्रमोद सावंत (CM Pramod Sawant) यांनी मोठी मागणी केली आहे.
'मन की बात कार्यक्रमाची गिनीज बुकमध्ये नोंद व्हावी, मला वाटत नाही देशातील कोणत्या पंतप्रधानाने अशा कार्यक्रमाचे शंभर भाग पूर्ण केले असतील. तसेच, या कार्यक्रमाला सर्वाधिक लोकांनी पाहिले देखील आहे.' असे मुख्यमंत्री सावंत यांनी म्हटले आहे.
'पंतप्रधान देशातील लोकांशी संभाषण करत भारतातील लोकांच्या आकांक्षांना प्रेरणा देणार्‍या, प्रज्वलित करणार्‍या कथा शेअर करतात. मन की बात हा कार्यक्रम एकतर्फी संभाषण राहिला नसून, ती लोकसहभाग 'स्वयं से समष्टी' चळवळ झाली आहे.' असे सावंत यांनी म्हटले आहे.
प्रमोद सावंत यांनी ट्विट करत आपल्या भावना व्यक्त केल्या आहेत. गोव्यातून मन की बातच्या 100 व्या भागात सहभागी झालो.
'गोव्याच्या कथा देखील मन की बातच्या विविध भागांमध्ये दिसल्या आहेत. यामुळे गोव्याच्या लोकांना आणि तिथल्या संस्कृतीला व्यासपीठ मिळाले तसचे, त्यांचे जीवनही बदलले आहे. नरेंद्र मोदी यांनी मन की बात कार्यक्रमाचे 100 भाग पूर्ण केल्याबद्दल, गोव्यातील जनतेच्या वतीने मी पुन्हा एकदा पंतप्रधान यांचे आभार मानतो आणि त्यांचे अभिनंदन करतो.' असे सावंत यांनी म्हटले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.