Mapusa News: म्हापशातील खोर्ली येथे आंब्याचे झाड कोसळून घरासह कारचे नुकसान झाले आहे. शनिवारी रात्री साडेबाराच्या सुमारास हे झाड कोसळले. त्यामुळे सर्व रस्ता ब्लॉक झाला होता.
पहाटे अग्निशमन दलाच्या जवानांनी येथे धाव घेत झाड तोडून हा रस्ता वाहतुकीसाठी मोकळा केला. हे झाड मोठे होते. सुदैवाने यात दुर्घटनेत कोणतीही जीवीतहानी झालेली नाही. तथापि, झाड पडल्याने येथील रस्ता ब्लॉक झाला होता. अग्निशमन दलाच्या जवानांनी झाड तोडून सकाळी बराचसा भाग साफ केला होता.
दरम्यान, हे झाड माविन कोट्रियाल यांच्या मालकीचे असून त्यांच्या घराच्या आवारात आहे. कोट्रियाल म्हणाले की, आमच्या घराचे आणि कारचे तसेच घराच्या छप्परवरील पत्र्याचे मिळून सुमारे 60 हजार रूपयांचे नुकसान झाले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
