Goa politics: मांद्रेच्या जागेवरुन भाजप - मगोप यांच्यात जुंपली; 'बालेकिल्ला कदापि सोडणार नाही', ढवळीकरांचा एल्गार

Sudin Dhavalikar: मगोपचे अध्यक्ष दीपक ढवळीकर यांना विचारले असता ते म्हणाले, की मगोपची भाजपशी युती होईल, असे ठरले आहे. सध्या मांद्रेत मगोपचा आमदार आहे.
Deepak Dhavalikar
Deepak DhavalikarDainik Gomantak
Published on
Updated on

पणजी: येत्या विधानसभा निवडणुकीत भले मुख्यमंत्री डॉ. प्रमोद सावंत यांनी भाजपचाच उमेदवार असेल, असे जाहीर केले असले तरी मगोपने त्या मतदारसंघावरील दावा न सोडण्याचे ठरविले आहे. राज्याचे पहिले मुख्यमंत्री स्व. भाऊसाहेब बांदोडकर यांच्यापासून मगोपचा बालेकिल्ला असलेला हा मतदारसंघ का सोडावा, असा विचार मगोपमध्ये सुरू झाला आहे.

याबाबत मगोपचे अध्यक्ष दीपक ढवळीकर यांना विचारले असता ते म्हणाले, की मगोपची भाजपशी युती होईल, असे ठरले आहे. सध्या मांद्रेत मगोपचा आमदार आहे. २०२७ च्या निवडणुकीला अद्याप अवकाश आहे. युतीसाठी बोलणी निवडणूक जवळ आल्यावर होतील. त्यामुळे आताच आम्ही मांद्रे मतदारसंघ सोडणार, असा अर्थ का काढला जावा. कदाचित पेडणे मतदारसंघही आम्हाला मिळेल, असे आम्ही आताच का म्हणावे.

भाजपच्या मंडळ पातळीवरील कार्यकर्ता मेळाव्यात प्रदेशाध्यक्ष दामू नाईक आणि माजी आमदार दयानंद सोपटे यांच्या उपस्थितीत मांद्रेत येत्या निवडणुकीत भाजपचाच आमदार असेल, अशी घोषणा केली आहे. याचा अर्थ भाजपचा उमेदवार मांद्रेत असेल, असा होतो. मागील विधानसभा निवडणुकीत मगोपचे जीत आरोलकर, भाजपचे दयानंद सोपटे आणि अपक्ष लक्ष्मीकांत पार्सेकर अशी तिरंगी लढत झाली होती.

Deepak Dhavalikar
Goa BJP: मांद्रेत भाजपचे कमळच फुलणार! मुख्यमंत्र्यांनी व्यक्त केला विश्वास; उमेदवार कोण असणार? चर्चा सुरू

त्यात भाजपच्या मतांची फाटाफूट झाली आणि आरोलकर विजयी झाले. मध्यंतरी आरोलकर हेच भाजपचे पुढील निवडणुकीतील उमेदवार असतील, अशी चर्चा होती. ती चर्चा अद्याप कोणीही जाहीरपणे नाकारलेली नाही. त्यामुळे भाजपचा आमदार कोण, हा विषय स्थानिक पातळीवर चर्चेचा ठरला आहे.

Deepak Dhavalikar
Goa Politics: भाजपच्या गळाला गोव्यातील अपक्ष आमदार; 2027 ची विधानसभा BJP कडून लढण्याची व्यक्त केली इच्छा

युतीच्या चर्चेवेळी मतदारसंघ ठरवू!

ढवळीकर यांनी सांगितले, की युतीची बोलणी होईल, त्यावेळी प्रत्येक मतदारसंघावर चर्चा होईल. सर्वसाधारणपणे ज्या पक्षाचे जेथे आमदार आहेत, तो मतदारसंघ त्या पक्षाने लढवायचा असे ठरून गेलेले असते. राज्यात परंपरागतरित्या मगोपचे अनेक मतदारसंघ आहेत. त्यासाठी मगोप आग्रही असतो. त्यात निश्चितच मांद्रेचा समावेश होतो.

प्रत्येक राजकीय पक्ष कार्यकर्त्यांचे मनोबल वाढविण्यासाठी आपलाच उमेदवार पुढील निवडणुकीत असेल, असे सांगतो. त्यामुळे मांद्रेविषयी मुख्यमंत्र्यांच्या वक्तव्याला आक्षेप नाही. निवडणुकीला बराच वेळ आहे.

दीपक ढवळीकर, अध्यक्ष, मगोप.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com