पणजी: सांगोल्डा येथील एका व्यक्तीला सायबर गुन्हेगारांनी जमा केलेल्या पैश्यांवर उच्च परतावा मिळवण्याचे आमिष दाखवून 19 लाखांचा गंडा घातला. पोलिसांनी दिलेल्या माहितीनुसार, आरोपींनी तक्रारदाराला ऑनलाइन (Online) पद्धतीने विविध बँक खात्यांमध्ये पैसे जमा करण्यास प्रवृत्त केले. यासाठी त्यांनी आपण एका ट्रेडिंग फर्मचे कर्मचारी असल्याचे तक्रारदाराला पटवून दिले. (Cyber Crime Goa)
आरोपींनी मोबाईल मेसेजिंग अ‍ॅपद्वारे (App) तक्रारदाराशी संपर्क साधला होता, असे पोलिसांनी सांगितले. पुढे आरोपींनी त्याला उच्च परतावा मिळवण्यासाठी वेगवेगळ्या बँक खात्यांमध्ये पैसे जमा करण्यास सांगितले.आरोपींच्या म्हणण्यानुसार तक्रारदाराने सांगितलेल्या बँक (Bank) खात्यांमध्ये पैसे जमा केले. तक्रारदाराने एकूण 19.24 लाख रुपये गुंतवले, असे पोलिस म्हणाले.
तक्रारदाराने ट्रेडिंग अ‍ॅपद्वारे पैसे काढण्याचा प्रयत्न केला तेव्हा हा घोटाळा उघडकीस आला.
हे अ‍ॅप बनावट आहे, असे पोलिसांनी सांगितले, सायबर क्राईम पोलिस, रिबंदर यांनी एफआयआर नोंदविला आहे आणि तपास सुरू आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
