कुळे: भूमिगत वीजवाहिनी टाकण्यासाठी खोदलेल्या खड्ड्यात पडून एकाला आपला जीव गमवावा लागण्याची घटना धारबांदोडा तालुक्यातील मोले येथे काल रविवारी रात्री उशिरा घडली. राजू भट (६०, रा. जांबोली-मोले) असे त्यांचे नाव आहे.
मिळालेल्या माहितीनुसार, दुचाकीने जात असता राजू भट हे सरळ खड्ड्यात पडले. गंभीर अवस्थेत त्यांना उपचारांसाठी गोमेकॉत नेत असता वाटेतच त्यांची प्राणज्योत मालवली. हा प्रकार समजताच ग्रामस्थ संतप्त बनले व त्यांनी आक्रमक पवित्रा घेतला.
ग्रामस्थांनी भरपाई म्हणून १५ लाख रुपये भट यांच्या कुटुंबाला द्यावेत अशी मागणी केली. तेव्हा कंत्राटदार गप्पच राहिला. त्यामुळे ग्रामस्थ खवळले. तेव्हा ‘‘१० लाख आपण नुकसान भरपाई देतो. त्यातील रोख पाच लाख आज देतो व उर्वरित पाच लाख रुपये दोन दिवसांनी देतो’ असे कंत्राटदाराने सांगितले. त्यामुळे ग्रामस्थ शांत झाले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.