Goa Crime: व्‍हिडिओ व्‍हायरल करण्‍याची धमकी देणाऱ्या तरुणास अटक; असाहाय्य माय-लेकींवर अत्‍याचार

Quepem Crime

केपे: गरिबी व एकाकी जीवन व्‍यतित करणाऱ्या माय-लेकीच्‍या असाहाय्यतेचा गैरफायदा घेत त्‍यांच्‍यावर लैंगिक अत्‍याचार करणाऱ्या तरुणाला केपे पोलिसांनी गुरुवारी अटक केली.

पीडित मुलगी अल्‍पवयीन असून, तिची मानसिक अवस्‍था बिघडल्‍याने या प्रकरणाचा उलगडा झाला. अटकेतील तरुण पीडितांना अश्‍‍लील व्‍हिडिओ समाज माध्‍यमांवर व्‍हायरल करण्‍याची धमकी देत होता. केपे परिसरातील एक अल्‍पवयीन मुलगी एकाएकी विमनस्‍क अवस्‍थेत गेली होती.

मदतीच्या बहाण्याने साधला डाव

पीडितेने केपे पोलिसांत तक्रार दिली असून, असोल्‍डा येथील फ्रान्सिस झेवियर मोराईस या तरुणाला अटक करून गुन्‍हा दाखल केला आहे. या तरुणाने पीडितांना मदत करण्‍याच्‍या बहाण्‍याने जवळीक साधून धमकी देत वारंवार लैंगिक अत्‍याचार केले. दाखल तक्रारीनुसार, एप्रिल महिन्‍यापासून हा प्रकार सुरू होता.