Banastarim Bridge Accident : बाणास्तरी पुलावर पाच वाहनांचा विचित्र अपघात; तिघांचा मृत्यू, दोघे गंभीर जखमी

Major Accident Reported On Banastarim Bridge : बाणास्तरी पुलावर पाच वाहनांचा विचित्र अपघात झाला आहे. वाहने एकमेकांवर आदळल्याने हा अपघात झाला. या अपघातात तिघांचा मृत्यू झाला आहे तर दोघा गंभीर जखमींना गोमेकॉत उपचारासाठी दाखल करण्यात आले आहे.

अपघातात दोन दुचाकींचा समावेश असून वाहनांचे मोठ्या प्रमाणात नुकसान झाले आहे. पोलिस घटनास्थळी दाखल झाले आहेत.

अधिक माहिती अशी की, बाणास्तरी पुलावरुन विरुद्ध दिशेने येणाऱ्या एका आलीशान कारने तीन कार व दोन दुचाकींना धडक दिली. या भीषण धडकेत तिघांचा मृत्यू झाला तर दोघे गंभीर जखमी झाले. म्हार्दोळ पोलिस घटनास्थळी दाखल झाले असून पंचनामा सुरु आहे.

आलीशान कार एक युवती चालवत होती. कारमध्ये तिच्या सोबत एक युवक होता. तसेच कारमध्ये मद्याच्या बॉटल्स आढळून आल्याचे प्रत्यक्षदर्शींनी सांगितले. जोपर्यंत कारमधील युवक व युवती घटनास्थळी येत नाहीत तोपर्यंत अपघातग्रस्त आलीशान कार घटनास्थळावरुन हलवू देणार नाही अशी मागणी येथील स्थानिकांनी केली आहे.