Arpora Accident: हडफडे येथे भीषण अपघात; ऑन स्पॉट तीन पर्यटक ठार, परदेशी नागरिक जखमी

Arpora Accident: हडफडे येथे भीषण अपघात झाला असून, तीन जणांचा जागीच मृत्यू झाला आहे. पहाटे तीनच्या सुमारास हा अपघात झाल्याचे समोर आले आहे. धरधाव कार दुसऱ्या चारचाकीला धडकल्याने हा अपघात झाल्याची माहिती स्थानिक आणि प्रत्यक्षदर्शी यांनी दिली.

पर्यटक महेश शर्मा (रा. महाराष्ट्र ), दिलीपकुमार बंग (रा. हैदराबाद) व मनोजकुमार सोनी (रा. हैदराबाद) यांचा मृत्यू झाला आहे. तर, कारचालक आंतोन बिचकोव्ह (वय 27, रारशिया) गंभीर जखमी झालेल्या पर्यटकाचे नाव आहे.

मिळालेल्या माहितीनुसार, भरधाव कार दुसऱ्या कारला धडकल्याने हा अपघात झाला. अपघातात तीन पर्यटकांचा जागीच मृत्यू झाला असून, इतर काही जखमी झाले आहेत. जखमींमध्ये परदेशी पर्यटकांचा समावेश असल्याची माहिती पोलिसांनी दिली आहे.

जखमींना उपचारासाठी रुग्णालयात दाखल करण्यात आले आहे. भरधाव कार तेलंगणा परवाना असल्याचे सांगितले जात असून, अपघातानंतर कार रस्ता सोडून बाहेर गेली. अपघात प्रकरणी पोलिसांनी विचारले असता त्यांनी उपचाराधीन असल्याचे सांगत अधिक माहिती देण्यास नकार दिला.