वर्धा : वर्धा येथे भरलेल्या 96 व्या अखिल भारतीय मराठी साहित्य संमेलनात काल रविवार 5 रोजी समारोपाच्या सत्रात गोव्याची जीवनदायीनी म्हादई संदर्भात अखिल भारतीय मराठी साहित्य महामंडळाचे उपाध्यक्ष तथा गोमंतक साहित्य सेवक मंडळाचे अध्यक्ष रमेश वंसकर यांनी ठराव मांडला. (Mahadayi Water Issue In wardha sahitya sammelan)
गोमंतक साहित्य सेवक मंडळाचे कोषाध्यक्ष श्री राजमोहन शेटये यांनी त्याला अनुमोदन दिले. या ठरावात गोव्याची जीवनदायीनी म्हादई नदी कर्नाटक राज्यातून उगम पावून महाराष्ट्र आणि गोव्यातून प्रवाहित होते. नैसर्गिकरीत्या गोवा आणि महाराष्ट्र या पाण्याच्या पात्रावर विसंबून आहेत. तरीही कर्नाटक राज्य या नदीच्या प्रवाहाला परिवर्तित करून महाराष्ट्रा - गोवा राज्याच्या नैसर्गिक हक्कावर गदा आणत आहे.
जीवनदायीनी ही 70% गोव्यातून 24% कर्नाटकातून आणि 6 % महाराष्ट्रातून वाहते. कळसा भांडुरा प्रकल्पाच्या नावाने जीवनदायीनी महादईचे पाणी वळवल्यास सामाजिक, सांस्कृतिक आणि जैवीकसंपदेवर मोठा परिणाम दिसून येईल. गोव्यावर पाण्याचे संकट उभे राहील आणि पर्यावरण प्रिय असलेल्या या राज्यात जल संकटामुळे इथले जनजीवन विस्कळीत होईल.
महादइचे पाणी न वळविण्याचा विचार या साहित्य मंचावरून व्हावा. तसेच कर्नाटक सरकारने सादर केलेल्या DPR ला दिलेली मान्यता रद्द करून गोवा आणि महाराष्ट्राचा सामाजिक सांस्कृतिक ठेवा जतन करण्यासाठी राज्य व केंद्र सरकारला विनंती करावी. या ठरावाचे साहित्य संमेलनाच्या व्यासपीठावर टाळ्यांच्या कडकडाटात स्वागत करण्यात आले.
तत्पूर्वी अखिल भारतीय मराठी साहित्य महामंडळाच्या बैठकीत प्रा. उषा तांबे, कार्यवाह डॉ. उज्वला मेहंदळे, कोषाध्यक्ष श्री प्रकाश पागे यांच्याकडे गो. सा. से मंडळाचे अध्यक्ष रमेश वंसकर, कोषाध्यक्ष राजमोहन शेटये यांनी या ठरावाची प्रत सुपूर्द केली होती. महामंडळाच्या बैठकीत तो ठराव अगोदर संमत केला होता. महामंडळाच्या सर्व सदस्यांनी त्यास अनुमोदन दिले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
