मडगाव : मडगाव येथील सार्वजनिक पदपथावर अनेक ठिकाणी बेकायदेशीर विक्रेत्यांनी आपले बस्तान मांडले असून या ठिकाणी कपडे , पात्रदाणे , पावसाळ्यातील साहित्य या बरोबर इतर माल ठेवून या पदपथ अडवले आहेत. त्यांच्याकडून या ठिकाणी खुले आम विक्री करण्यात येत आहे. त्यामुळे या पदपथांवरून पादचाऱ्यांना ये जा करणे कठीण होऊन बसले आहे. मडगाव पालिकेने या विक्रेत्यांवर कारवाई करावी, अशी मागणी होत आहे.
आर्थिक राजधानी असलेले मडगाव शहर व्यावसायिक उलाढालीचे मुख्य ठिकाण आहे. त्यामुळे संपूर्ण दक्षिण गोव्यातील लोक या ठिकाणी खरेदीसाठी गर्दी करतात. याबरोबरच मडगाव सभोवतालच्या भागातील ग्राहकही आपल्यासाठी लागणाऱ्या वस्तू घेण्यासाठी शहरात येत असतात, या ग्राहकांना शहरातील पदपथांवरूनच येजा करावी लागते. मात्र, अनेक ठिकाणी या पदपथांवर किरकोळ विक्रेत्यांनी तयार कपडे, पात्रदाणे, पावसाळ्यातील साहित्य विक्रीसाठी ठेवले आहे.
पिंपळकट्टा परिसर, रोपाआळ परिसर, गांधी मार्केट येथील काही ठिकाणे, न्यू मार्केट परिसरातील पदपथ या विक्रेत्यांनी व्यापले आहेत. या ठिकाणी सतत फेरीवालेही आपला माल घेऊन फिरत असतात. त्यामुळे येथील मुख्य बाजारातील कर भरणा करणाऱ्या दुकानदारांना ग्राहक मिळत नाहीत, त्यामुळे विक्रेत्यांवर कारवाई करावी अशी मागणी येथील दुकानदारांनी केली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
