सासष्टी, थर्माकोल पेट्यांवर केंद्र सरकारने देशभर बंदी घातलेली आहे. त्यामुळे अशा पेट्या उघड्यावर टाकणे धोकादायक आहे. जर या पेट्यांना आग लागली तर लोकांच्या आरोग्याला धोका निर्माण होण्याची भीती समाजसेवक मिलाग्रेस फर्नांडिस यांनी व्यक्त केली.
येथील एसजीपीडीएच्या घाऊक मासळी मार्केटमध्ये उघड्यावर फेकून दिलेल्या अनेक थर्माकोलच्या पेट्या दिसून येतात. अशा पेट्या टाकण्यासाठी मडगाव पालिकेने व्यवस्थाही केली आहे. याबाबत फर्नांडिस यांनी सांगितले की, या पेट्यांमधून मासळी आणली जाते व मासळी संपल्यावर या पेट्या उघड्यावर फेकल्या जातात.
जर या पेट्यांना आग लागली तर जवळच असलेल्या माडेल, मुंगुल, सुरावली गावातील लोकांना यांचे गंभीर परिणाम भोगावे लागतील, असे ते म्हणाले. पालिकेने याकडे लक्ष द्यावे व लगेच कारवाई करावी, अशी मागणी त्यांनी केली.
शेतात भराव, पूरस्थिती निर्माण होण्याची शक्यता
दरम्यान, जवळच असलेल्या शेतामध्ये मातीचा भराव घातला जात असल्याने पावसाळ्यात पूरस्थिती निर्माण होण्याची शक्यता मिलाग्रेस यांनी व्यक्त केली. ही शेतजमीन स्थानिक शेतकऱ्यांची आहे, ती बुजवून त्या ठिकाणी स्थलांतरित लोकांसाठी झोपड्या उभारण्याची शक्यता त्यांनी व्यक्त केली.
दरम्यान, ही माती इथे आणून टाकण्यास एसजीपीडीएने सांगितले असल्याचे माती आणून टाकणाऱ्या ट्रकच्या ड्रायव्हरने सांगितल्याचा दावा मिलाग्रेस यांनी केला. सरकारने याकडे लक्ष देऊन उपाययोजना करावी अशी मागणी त्यांनी केली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.