Goa Politics| फालेरोंना वगळून ‘तृणमूल’ची समिती

पणजी: गोवा तृणमूल काँग्रसेने आपली राज्य समिती नव्याने जाहीर केली असून खासदार लुईझिन फालेरो यांना समितीत स्थान मिळाले नाही. समील वळवईकर आणि मारियानो रॉड्रिग्ज यांना राज्याचे संयुक्त निमंत्रक म्हणून निवडण्यात आले आहे. पक्षाचे गोवा प्रभारी किर्ती आझाद यांनी पणजी येथे पत्रकार परिषदेत केली.

(Luisin Falero has no place in the new state committee of the Goa Trinamool Congress)

लुईझिन फालेरो यांना समितीत स्थान का देण्यात आले नाही? या प्रश्‍नाचे उत्तर आझाद यांनी दिले नाही. समितीमध्ये उत्तर गोवा अध्यक्ष राजेंद्र काकोडकर, दक्षिण गोवा अध्यक्ष डॉ. जोर्सन फर्नांडिस, उत्तर गोवा सहअध्यक्ष कांता गावडे, दक्षिण गोवा सहअध्यक्ष शिवदास नाईक. सरचिटणीस पदांवर अविता बांदोडकर, प्रतिभा बोरकर, गांधी हेंरिक्स, मारिया पिंटो, राखी नाईक, व्हिक्टर गोन्साल्विस, सचिन घोटगे, केनेडी आफोन्सो, दशरथ मांद्रेकर आणि शितील गुंजकर आहे. सचिव पदावर मारिया लोपेझ, गिलरोय कॉस्टा, राजेश नाईक, महेश भंडारी आणि गणपत गावकर आहे.

महिला विभागात समन्वयक अविता बांदोडकर, सह-समन्वयक प्रतिभा बोरकर. युवा विभाग समन्वयक अँथनी पिशोट, सदस्य नवीन फळदेसाई, राहुल शेट्ये आणि ज्योकिम फर्नांडिस आहे. संवाद विभाग समन्वयक ट्रोजन डिमेलो, प्रवक्ते जयेश शेटगावकर, पिटर आफोन्सो आणि ॲना ग्रेशिएस आहे. अल्पसंख्याक विभाग समन्वयक सुलताना शेख, सहसमन्वयक विन्सेंट फर्नांडिस, सदस्य सांतान डायस आणि अपसरा खान. अनुसूचित जाती समन्वयक संतोष शंकर मांद्रेकर. इतर मागासवर्गीय विभागाचे समन्वयक आनंद नाईक. सदस्य मोहीम विभाग समन्वयक सिद्धेश्‍वर मिश्रा आणि सदस्य नविदा हबीब.