Ban on Goa Waterfall: पाणवठे, धबधब्यांवर हुल्लडबाजी रोखा! बंदी कालावधीनंतर वनमंत्री कोणता निर्णय घेणार?

Ban imposed on Goa Waterfalls: गेल्या रविवारी मुसळधार पाऊस पडत असताना पाली-सत्तरी येथील धबधब्यावर राज्याच्या कानाकोपऱ्यांतून शेकडो लोकांनी पावसाळी पर्यटनासाठी प्रचंड गर्दी केली.
Goa Waterfall: पाणवठे, धबधब्यांवर हुल्लडबाजी रोखा! बंदी कालावधीनंतर वनमंत्री कोणता निर्णय घेणार?
WaterfallCanva

गेल्या रविवारी मुसळधार पाऊस पडत असताना पाली-सत्तरी येथील धबधब्यावर राज्याच्या कानाकोपऱ्यांतून शेकडो लोकांनी पावसाळी पर्यटनासाठी प्रचंड गर्दी केली. मात्र, धबधब्याच्या वाटेवरील एका नदीचे पाणी अचानक वाढल्याने शेकडो तरुण-तरुणी तेथेच अडकले होते. अखेर त्यांना सुखरूप सुरक्षितस्थळी हलविण्यात आले. या प्रकाराची प्रशासनाने गंभीर दखल घ्यावी, अशी मागणी ग्रामीण भागातील नागरिकांनी केली आहे.

या थरारक घटनेनंतर वनमंत्र्यांनी पाण्याचा जोर कमी होईपर्यंत तात्पुरती धबधब्यांवर बंदी घातली आहे. आठ दिवसांनंतर ते पुढील कृती ठरवणार आहेत. मात्र, कोणतीही तकलादू तरतूद करण्याऐवजी सरकारने धबधब्यांवरील मद्यपान, अश्‍लील नृत्य, सार्वजनिक ठिकाणी मद्याच्या बाटल्या फोडणे, कचरा उघड्यावर फेकणे, धोकादायक चिरेखाणींवर स्नानास जाणे यासारखी हुल्लडबाजी रोखून ही निसर्गस्थळे अबाधित राखावीत, असे ग्रामस्थांचे म्हणणे आहे.

Goa Waterfall: पाणवठे, धबधब्यांवर हुल्लडबाजी रोखा! बंदी कालावधीनंतर वनमंत्री कोणता निर्णय घेणार?
Goa Waterfall: गोव्यात कोणत्या धबधब्यांना भेट देऊ शकता, कोणते धबधबे धोकादायक? पाहा संपूर्ण यादी

पण अशा जंगली भागात जाऊन स्वत:च्या जीवाशी खेळण्याचे कारण तरी काय, असा सवाल सत्तरीतील लोक उपस्थित करत आहेत. म्हणूनच आता सरकारने धोकादायक धबधब्यांच्या ठिकाणी जाण्यास लोकांना पूर्णत: बंदी घातली पाहिजे. सर्व धबधबे हुल्लडबाजांपासून दूर ठेवण्यासाठी सरकारने कठोर कार्यवाही केली पाहिजे. तरच अशा घटना पुन्हा होणार नाहीत, असे स्थानिकांचे म्हणणे आहे.

निसर्ग कोंदणातील हिरा : सुर्ला

सुर्ला गावापासून डोंगरमाथ्यावर दगडांचा सपाट सडा आहे. प्रचंड झाडीतून येणारे पांढरे शुभ्र धुके अशा रम्य परिसरात कर्नाटकातून पाण्याचा प्रवाह गोव्याच्या हद्दीतील खोल दरीत झेपावताना दिसतो. या धबधब्याच्या दोन्ही बाजूंनी प्रचंड दरी आणि ताशीव कडा आहे. त्याच्या पूर्वेस मधोमध खोल दरी आहे. बाजूला आकाशाला स्पर्श करण्याची स्पर्धा करणाऱ्या सह्याद्रीच्या रांगा, नैसर्गिक ताशीव कडे, असे मनमोहक दृश्य पहावयास मिळते. मात्र, हे दृश्य पाहण्यासाठी धुके ओसरेपर्यंत उत्कटतेने वाट पाहावी लागते.

दुरून ‘जलप्रपात’ साजरे

राज्याच्या पश्चिम भागातील अनेक धबधबे पर्यटकांना आकर्षित करतात. मात्र, दुरूनच या धबधब्यांच्या सौंदर्याचा आनंद लुटणे हितकारक ठरणार आहे. सत्तरीत चोर्ला परिसरात बाराजणांचा धबधबा, देवसाचा धबधबा, म्हातारीचा धबधबा, सुर्लाचा घबधबा, चोर्ला घाटातील लाडकीचा धबधबा, सडा येथील बागमती धबधबा डोळ्यांचे पारणे फेडतो. सुर्ला-सत्तरीचा धबधबा म्हणजे विहंगम दृश्याचा अप्रतिम नमुना. सुर्ला सत्तरीत वसलेल्या गावापासून अवघ्या एक किलोमीटर अंतरावर हा नजारा डोंगरमाथ्यावरून न्याहाळता येतो.

Goa Waterfall: पाणवठे, धबधब्यांवर हुल्लडबाजी रोखा! बंदी कालावधीनंतर वनमंत्री कोणता निर्णय घेणार?
Goa Waterfalls: धबधब्यांवर जाण्यास बंदी घालणे चुकीचे, गोव्याबाबत चुकीचा संदेश जाईल; पर्यटनमंत्र्यांनी व्यक्त केली भीती

धबधब्यांव्यतिरिक्त हेही पहा!

राज्यातील घनदाट जंगले, गड-किल्ले, स्थापत्य कलेचा अप्रतिम आविष्कार असलेली कदंबकालीन मंदिरे, राजवाडे-लाकडी घरे, कोकण आणि गोमंतकीय पध्दतीचे राहणीमान, रुचकर खाद्यपदार्थ, मराठी आणि कोकणी भाषेचा सुंदर मिलाफ असलेली बोली भाषा, समृध्द वनजीवन पर्यटकांनी अनुभवावे, असे ग्रामीण भागातील जनतेला वाटते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com