केंद्रीय अर्थमंत्री निर्मला सीतारामन (Union Finance Minister Nirmala Sitharaman) यांनी बँक क्षेत्रात स्थानिक भाषेलाच प्राधान्य द्यावे, असे मत व्यक्त केले होते. या वक्तव्याचे रिव्होल्युशनरी गोवन्सचे प्रमुख मनोज परब यांनी स्वागत केले आहे.
पणजी येथे आज पक्ष कार्यालयात झालेल्या पत्रकार परिषदेत ते म्हणाले, प्रत्येक बँकेत नोकरभरती करताना स्थानिक भाषा ज्ञात असलेल्यांना प्रथम प्राधान्य द्यावे. गोव्यात अनेक बँकांत कोकणी बोलता, समजता न येणारा नोकरवर्ग कामाला आहे आणि यामुळेच लोकांना तसेच कामगारांना भरपूर त्रास सहन करावा लागतो.
गोव्यात 46 बँक आहेत. त्यात 12 पब्लिक सेक्टर, 17 खासगी क्षेत्रात तर 14 कॉर्पोरेट बँक्स आहेत. राज्यात एकूण 780 ब्रँच आहेत आणि त्यामध्ये सरकारने ठरवले तर कित्येक स्थानिकांना रोजगार उपलब्ध करून देऊ शकतो.
त्यामुळे बँकिंग क्षेत्रात स्थानिक भाषेलाच व स्थानिक भाषेची जाण असणाऱ्यांनाच प्राधान्य द्यावे, पूर्वीच्या कर्मचाऱ्यांना स्थानिक भाषेचे प्रशिक्षण द्यावे, बँकेतील पोस्टर्स, माहिती स्थानिक भाषेतच असावी इत्यादी मागण्यांचे पत्र सरकारला देण्यात येईल, असेही मनोज परब यांनी सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
