Goa Rain Update: गोव्यात 12 ते 14 नोव्हेंबर दरम्यान हलक्या ते मध्यम स्वरूपाच्या पावसाची शक्यता आहे. अशी माहिती गोवा हवामान खात्याने (IMD Goa) दिली आहे. गोव्यात मागील दोन दिवस कमी तापमानाची नोंद झाली आहे. बंगाल उपसागरावर कमी दाबाचा पट्टा निर्माण झाल्याने तसेच, तापमानात घट झाल्याने 12 ते 14 नोव्हेंबर दरम्यान राज्यात पावसाची शक्यता आहे.
भारतीय हवामान खात्याने दिलेल्या माहितीनुसार, मंगळवार आणि बुधवारी 22.5 ते 22.1 कमी तापमानाची नोंद झाली आहे. कमी दाबाचा पट्टा निर्माण झाल्याने काही ठिकाणी वादळी वारा ते हवामानात आद्रता निर्माण होण्याची शक्यता आहे. तमिळनाडू किनारपट्टी भागात हा बदल अधिक दिसून येत आहे. दरम्यान, गोव्यात 12 ते 14 नोव्हेंबर दरम्यान हलक्या ते मध्यम स्वरूपाच्या पावसाची शक्यता आहे. 13 नोव्हेंबर रोजी पावासाची अधिक शक्यता असल्याचे हवामान खात्याने म्हटले आहे.
ऑक्टोंबर 2022 महिन्यात सहा वर्षातील सर्वात कमी पाऊस
यावर्षी ऑक्टोंबर महिन्यात मागील सहा वर्षातील सर्वात कमी पावसाची नोंद झाली आहे. गोव्यात 3 ते 6 नोव्हेंबर या कालावधीत दोन्ही जिल्ह्यात काही ठिकाणी पावसाची नोंद झाली आहे. मान्सून परतल्यानंतर झालेला पाऊस देखील मागील पाच वर्षातील सर्वात कमी पाऊस झाला आहे. पणजीत मंगळवारी नोंदवण्यात आलेले तापमान 33.6 अंश. से. हे सामान्य तापमानाच्या केवळ 0.4 अं.से. वरती आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.