हरमल: येथील नानोस्करवाडा भागात वन खात्याने लावलेल्या पिंजऱ्यात बिबटा जेरबंद झाल्याने नागरिकांनी सुटकेचा सुस्कारा सोडला आहे. तब्बल १४ दिवसानंतर पिंजऱ्यात बिबट्या अडकला. हा बिबटा ११-१२ महिन्यांचा असल्याचे वन अधिकाऱ्यांनी सांगितले.
सागर नानोस्कर यांच्या घराच्या बाजूस लावलेल्या सापळ्यात हा बिबट्या पहाटे तीनच्या सुमारास अडकला. दरम्यान, गुरुवारी सकाळी वन अधिकारी स्नेहल साळगावकर यांनी वैद्यकीय तपासणी केल्यानंतर पिंजऱ्यासह बिबट्याला तिथून हलवण्यात आले. यावेळी वनरक्षक अविनाश परब, जितेंद्र नाईक तसेच सागर नानोस्कर आदींनी यांनी सहकार्य केले.
गेल्या आठवड्यात मधलावाडा येथील मर्सेलिन फर्नांडिस यांच्या पाळीव कुत्र्याला बिबट्याने फस्त केले होते. त्यामुळे बिबटा जेरबंद झाल्याने नागरिकांनी निःश्वास सोडला आहे.
नानोस्करवाड्यावर बिबट्याचे दर्शन झाल्याने नागरिकात कमालीची अस्वस्थता पसरली होती. स्थानिक तसेच देशी-विदेशी पर्यटक टेम्पल रोडचा वापर करीत असतात. त्या मार्गातील या घरांच्या अंगणात, बिबट्यापासून धोका निर्माण झाला होता.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
