काणकोणमध्ये भरवस्तीत बिबट्याचा हल्ला

काणकोण : काणकोणमध्ये बिबट्याच्या हल्ल्यात एकजण जखमी झाल्याने परिसरात घबराट पसरली. पेडे-लोलये येथील दिलीप राम सतरकर याच्यावर बिबट्याने हल्ला केल्याने ते गंभीर जखमी झाले आहेत. भरवस्तीत बिबट्याच्या हल्ल्यामुळे नागरिक दहशतीत असल्याचं चित्र आहे.

पेडे-लोलये येथील दिलीप राम सतरकर(वय 45) यांच्यावर गुरुवारी 24 मार्च रोजी रात्री बिबट्याने (Leopard) हल्ला केला. घराजवळ फिरत असताना बिबट्याने केलेल्या हल्ल्यात ते जखमी झाले आहेत. त्याला उपचारासाठी काणकोण सामाजिक आरोग्य केंद्रात दाखल करण्यात आले आहे.

पाळीव कुत्र्याला गुरुवारी रात्री फिरायला घराबाहेर घेऊन आले असता दिलीप यांच्यावर बिबट्याने हल्ला (Attack) केला. रस्त्यावर अचानक बिबट्याने हल्ला केल्याने काहीकाळ त्यांना धक्काच बसला. सध्या या भागात बिबट्याचा वावर वाढला असून वन विभागाने (Forest) बिबट्याचा बंदोबस्त करण्याची मागणी लोलये परिसरातील नागरिकांनी यांनी केली आहे.