Goa University: गोवा विद्यापीठ वसतीगृहातील खाद्यपदार्थांत सापडल्या अळ्या

Goa University: गोवा विद्यापीठातील वसतीगृहात मागील महिन्याभरापासून पुरविण्यात येणाऱ्या खाद्यपदार्थांमध्ये अळ्या आणि इतर तत्सम घटक आढळून येत आहेत. याबाबत संबंधित व्यक्तींकडे तक्रार करूनही योग्य ती कारवाई केली नसल्याने एनएसयुआय संघटनेने आज गोवा विद्यापीठाच्या कुलसचिवांना निवेदन देऊन कंत्राटदारावर निलंबित करत नव्याने निविदा काढण्याची विनंती केली आहे.

अशा प्रकारच्या खाद्यपदार्थांमुळे विषबाधा होण्याची शक्यता असल्याने योग्य ती कारवाई करावी, अशी मागणी ‘एनएसयुआय’ने केली आहे. याबाबत एनएसयुआयचे गोवा विद्यापीठातील प्रभारी ऋषभ फळदेसाई यांनी सांगितले की, फेब्रुवारीमध्ये नवीन टेंडर काढले जाईल आणि वसतीगृहामध्ये दर्जेदार जेवण पुरविले जाईल, असे कुलसचिवांनी सांगितले.