Landslide In Goa: ...आणि ‘ती’ दरड कोसळलीच! दै. ‘गोमन्तक’ने व्‍यक्त केली होती भीती

Virdi Sanquelim Road: धोका वाढल्यामुळे विर्डी-साखळी रस्ता वाहतुकीसाठी बंद
Virdi Sanquelim Road:  धोका वाढल्यामुळे विर्डी-साखळी रस्ता वाहतुकीसाठी बंद
Virdi Sanquelim Landslide Dainik Gomantak

विर्डी ते साखळी या म्हावळंगतडमार्गे असलेल्या रस्त्यावर ‘माकरशेणो’ या भागात रस्त्याच्या बाजूला असलेली दरड कोसळण्याची शक्यता ३० मे रोजी दै. ‘गोमन्तकने’ व्‍यक्त केली होती. परंतु त्‍याकडे सरकारी यंत्रणांकडून दुर्लक्ष झाल्याने अखेर ती दरड आज रस्त्यावर कोसळलीच. त्‍यामुळे विर्डी ते साखळी हा म्हावळंगतडमार्गे रस्ता वाहतुकीसाठी बंद करण्यात आला आहे.

या भागातील डोंगराची माती ठिसूळ बनली आहे. सदर डोंगर हा खनिज टाकाऊ मालाचा डंप असल्याने तो उभ्या स्थितीत आहे. त्याची माती गेल्या पावसाळ्यात रस्त्यावर आली होती. त्यामुळे वाहतुकीला अडथळा निर्माण झाला होता. सदर माती नंतर हटविण्यात आली. गेल्या वर्षीचा पावसाळा संपल्यानंतर या कोसळण्याच्या स्थितीत असलेल्या भागाकडे कोणीही गांभीर्याने न पाहिल्याने धोका निर्माण झाला होता.

आजच्‍या घटनेनंतर स्थानिक नगरसेविका दीपा जल्मी, नीलेश जल्मी, अर्जुन कामत व इतरांनी घटनास्थळी धाव घेऊन लागलीच दरड हटविण्यासाठी यंत्र उपलब्ध केले. त्‍याद्वारे दरड हटविण्याच्या कामाला प्रारंभ करण्यात आला. परंतु डोंगराची माती अधिकच ठिसूळ बनल्याने ती खाली येतच आहे. त्यामुळे धोका वाढला आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com