Landslide On NH 66: राष्ट्रीय महामार्ग 66 वर दरड कोसल्याची घटना घडली आहे. मागील काही दिवसांमध्ये धुव्वाधार पाऊस झाल्याने धारगळ-पत्रादेवी राष्ट्रीय मार्गावर दरड कोसळली आहे. यामुळे वाहतुकीला अडथळा झाल्याची माहिती मिळत आहे.
मागील वर्षीही अशीच घटना घडली होती. NH 66 वर दरड कोसळल्याने वाहतूक ठप्प झाली होती. पुन्हा अशीच घटना घडल्याने नागरिकांनी सरकारच्या कामावर प्रश्नचिन्ह उपस्थित केले आहे.
पावसाळ्यात अशा घटना वारंवार घडत असल्याने सरकारने यावर ठोस उपाययोजना करणे गरजेचे असल्याचे मत वाहनचालकांनी व्यक्त केले आहे.
दरम्यान, राज्यात सुरू असलेल्या मुसळधार पावसामुळे ठिकठिकाणी झाडे पडण्याच्या घटना घडल्या. काही ठिकाणी आर्थिक नुकसान होण्याचे प्रकारही घडले. सुदैवाने या सर्व घटनांत कोणतीही जीवितहानी झाली नाही.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
