Cuncolim Municipal Council: काँग्रेस समर्थित नगरसेवक लँड्री मास्कारेन्हस यांची 14 सदस्यीय कुंकळ्ळी नगरपालिकेच्या नगराध्यक्षपदी 9-3 मतांनी निवड झाली असून भाजप समर्थित नगरसेवक विशाल देसाई यांचा त्यांनी पराभव केला आहे. या निकालाने भाजपच्या पॅनेलमध्ये उभी फूट पडल्याचे स्पष्ट झाले. भाजप पॅनेलमधील दोन नगरसेवक मतदानादरम्यान आज अनुपस्थित राहिले.
यावेळी नवनिर्वाचित नगराध्यक्ष लँड्री मास्कारेन्हस मत व्यक्त करताना म्हणाले की, आम्ही कुंकळ्ळीच्या विकासासाठी काम करू. मला मतदान करणाऱ्या सर्व आठ नगरसेवकांचे मी आभार मानतो आणि आमचे नेते माजी मंत्री ज्योकीम आलेमाव आणि विरोधी पक्षनेते युरी आलेमाव यांचेही आभार मानतो. मला खात्री आहे की, कुंकळ्ळीचे आमदार आम्हाला पूर्ण सहकार्य करतील, असा मला विश्वास आहे.
आज मतदानावेळी भाजप समर्थित नगरसेवक पोलिटा कार्नेरो आणि रूपा गावकर अनुपस्थित राहिल्या.
मी नवनिर्वाचित नगराध्यक्ष लँड्री मास्कारेन्हस यांचे अभिनंदन करतो. आज सर्व नऊ नगरसेवक एकजूट राहिले ही चांगली गोष्ट आहे. नवीन नगराध्यक्षांना माझे पूर्ण सहकार्य असेल, असे कुंकळ्ळीचे आमदार आणि विरोधी पक्षनेते युरी आलेमाव यांनी सांगितले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
