Pernem News : पणजी, पेडणे तालुक्यातील जमीन रूपांतर विकास आराखड्याच्या बाबतीत स्थानिक आमदार जीत आरोलकर विरोधी भूमिका घेऊन आंदोलन करत असताना
मगोपचे नेते सुदिन ढवळीकर या जमीन रूपांतराचे समर्थन करतात याचा अर्थ ढवळीकर ‘जोकर’ची भूमिका बजावत आहेत, अशी टीका ‘आप’चे नेते ॲड. सुरेल तिळवे यांनी केली आहे.
ॲड. तिळवे म्हणाले, पेडणे जमीन रूपांतर आराखडा हा या सरकारचा सर्वात मोठा घोटाळा असून सरकार पेडण्याची जमीन श्रीमंतांच्या घशात घालत आहे.
याला स्थानिकांचा जोरदार विरोध असून स्थानिक आमदार जीत आरोलकर हा आराखडा कायमचा रद्द करावा, या मागणीसाठी आंदोलन करत आहेत.
याउलट त्यांच्याच पक्षाचे नेते आणि वीजमंत्री सुदिन ढवळीकर आमदार आरोलकर यांच्या भूमिकेच्या विरोधात भूमिका घेत असून जमीन रूपांतराचे समर्थन करत आहेत.
ढवळीकर बंधू नेहमी सत्तेसोबत राहण्याच्या प्रयत्नात असतात. निवडणुकांमध्ये ज्या पक्षाला ते व्यासपीठावरून शिव्याशाप देतात, त्यांच्याच पक्षासोबत ते सत्तेत सहभागी होतात.
हा गेल्या अनेक वर्षांचा त्यांचा अनुभव आहे. आता त्यांनी ही भूमिका सोडून द्यावी, अन्यथा लोक त्यांना त्यांची जागा दाखवून देतील. त्यांची ही ‘जोकर’ची भूमिका त्यांना महागात पडेल.
- ॲड. सुरेल तिळवे, ‘आप’चे नेते
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.