Kulem Liqueur Seized : कुळे पोलिसांकडून मोले येथे दारू जप्त

Kulem Liqueur Seized :

कुळे, मोले येथून कर्नाटक राज्यात दारू घेऊन जाणाऱ्यांवर कारवाई करत कुळे पोलिसांनी १ लाख २८ हजारांची दारू जप्त केली. तसेच तिनईघाट येथील चौघा संशयितांसह दोन दुचाकीही पोलिसांनी ताब्यात घेतल्या.

कुळे पोलिसांनी दिलेल्या माहितीनुसार, गोव्याहून दारू घेऊन आडमार्गे जंगलातून तिनईघाट-कर्नाटक येथे जात असता गस्तीवर असलेल्या पोलिसांना संशय आल्याने त्यांनी संशयितांच्या बॅगांची तापासणी केली तेव्हा त्यांच्याजवळ ३३ लिटर दारू सापडली.

दारू वाहतूक करण्यासाठी आवश्‍यक असलेली कोणतीही कागदपत्रे दाखविली नसल्याने कुळे पोलिसांनी प्रकाश देवप्पा हनबार (१९), नागेश वडार (१९), अशोक देवप्पा हनबार (१९) व बोंडाप्पा नारायण हनबार (२७) सर्वजण तिनईघाट-कर्नाटक येथील असून त्यांच्याजवळील दोन्ही दुचाकी जप्त केल्या आहेत. कुळे पोलिस निरीक्षक सगुण सावंत यांच्या मार्गदर्शनाखाली हवालदार सुमन गावकर यांनी ही कारवाई केली.