Bicholim News :डिचोलीतील ‘कोटेश्वर’ची कलश प्रतिष्ठापना उत्साहात

Bicholim News :

डिचोली बाजारातील श्री देव कोटेश्वर मंदिराचा जीर्णोद्धार आणि शिखर कलश प्रतिष्ठापना सोहळा सोमवारी (ता.२६) मोठ्या भक्तिभावाने उत्साहात साजरा करण्यात आला.

चार चौगुले आणि व्यापारी बंधूतर्फे साजरा करण्यात आलेल्या या सोहळ्यावेळी भाविकांनी प्रचंड गर्दी केली होती.

दुपारी धार्मिक विधीसह ॐ श्री शिव दत्तनाथ धाम परमपूज्य श्री शिवदत्तनाथ महाराज यांच्या शुभ हस्ते शिखर कलश प्रतिष्ठापना करण्यात आली. नंतर महाप्रसाद झाला. हजारो भाविकांनी महाप्रसादाचा लाभ घेतला.

गुरुवारी वार्षिक उत्सव

श्री कोटेश्वर देवाचा वार्षिक उत्सव येत्या गुरुवारी (ता.२९) साजरा करण्यात येणार आहे. त्यानिमित्त सकाळी १० वा. श्री सत्यनारायण महापूजा होणार आहे दुपारी आरती आणि तीर्थप्रसाद झाल्यानंतर महाप्रसाद होणार आहे.

सायंकाळी ६ वा. भजन होणार आहे. रात्री ९ वा. नाईक मोचेमाडकर पारंपरिक दशावतारी लोकनाट्य मंडळातर्फे ‘गणेश-मंगळ युद्ध’ हे नाटक सादर करण्यात येणार आहे.