Kokan Railway: चाकरमान्यांसाठी खुशखबर! १५ सप्टेंबर रोजी मडगाव पनवेल मार्गावर धावणार 'खास ट्रेन'

सासष्टी: कोकण रेल्वेने चतुर्थी सणाच्या दिवसात प्रवाशांच्या गर्दीवर उपाय म्हणून रविवार, १५ सप्टेंबर रोजी मडगाव ते पनवेल व पनवेल ते मडगाव अशा खास प्रवासी ट्रेनची व्यवस्था केली आहे.

ट्रेन क्रमांक ०१४२८ - ही ट्रेन १५ रोजी मडगावहून सकाळी ९.३० वाजता सुटेल व पनवेलला त्याच दिवशी रात्री १०.१५ वाजता पोहोचेल. ०१४२७ क्रमांकाची ट्रेन पनवेलहून १५ सप्टेंबरला रात्री ११.४५ वाजता सुटेल व मडगावला दुसऱ्या दिवशी ११ वाजता पोहोचेल. ही गाडी गोव्यात करमळी, थिवी येथे थांबा घेईल.

या ट्रेनला २२ डबे असतील. त्यातील २ टियर वातानुकूलीन एक, ३ टियर वातानुकूलीन ३ डबे, ३ टियर इकॉनॉमी वातानुकूलीन २ डबे व स्लिपर ८ डबे असतील.

अधिक माहिती व टिकीट आरक्षणासाठी www.enquiry.indianrail.gov.in किंवा एनटीईएस ॲपवर संपर्क साधावा, असे आवाहन रेल्वे व्यवस्थापनाने केले आहे.