Kolamba Lake: कमळांसाठी प्रसिद्ध ‘कोळम’ तळ्याचा बांध फोडला, चढणीचे मासे पकडायला आबालवृद्धांची गर्दी

Kolamba Lake Karapur: कारापूर येथील नैसर्गिक ‘कोळम’ तळ्याचा बांध रविवारी फोडून पाण्याला वाट मोकळी करून देण्‍यात आली. पावसाळा संपल्यानंतर पुन्हा बांध घालून पाणी अडवण्यात येते.
Kolamba Lake Karapur
Kolamba Lake GoaDainik Gomantak
Published on
Updated on

डिचोली: कारापूर येथील नैसर्गिक ‘कोळम’ तळ्याचा बांध रविवारी फोडून पाण्याला वाट मोकळी करून देण्‍यात आली. मोसमी पावसाची चाहूल लागताच दरवर्षी भरलोकवस्तीजवळ असलेल्या या तळ्याचा बांध फोडण्यात येतो.

बांध फोडताना यंदाही तळ्यातील चढणीचे गोडे मासे पकडण्यासाठी मुलां-बाळांसह मत्स्यखवय्यांनी गर्दी केली होती. दुपारपर्यंत तर ती आणखी वाढली. कारापूर येथील कोळमवाड्यावर भरलोकवस्तीला टेकूनच मोठे नैसर्गिक तळे आहे.

लाल कमळांसाठी प्रसिद्ध असलेल्या या तळ्यातील पाण्यावर स्थानिक लोक शेती, बागायती पिके घेतात. दरवर्षी पावसाळा जवळ आला की पावसाळ्यातील प्रतिबंधात्मक उपाययोजना म्हणून साधारण जून महिन्याच्या सुरवातीस या तळ्याचा बांध फोडून पाणी आणि गाळ बाहेर सोडतात. पावसाळा संपल्यानंतर पुन्हा बांध घालून पाणी अडवण्यात येते.

Kolamba Lake Karapur
Kolamba Lake: प्रदूषणापासून तळे वाचवा! 'कोळम तलावाच्या' विकासासाठी स्थानिकांची मागणी

गोड्या माशांची मोठी पैदास

कोळम तळ्यात दरवर्षी गोड्या माशांची पैदास होत असते. तळ्यातील बांध फोडून पाणी आटले की गोडे मासे आयते पकडता येतात. यंदाही या तळ्यातील मासे पकडण्यासाठी कारापूरसह जवळपासच्या भागातील मत्स्यखवय्यांनी गर्दी केली होती. मुलां-बाळांसह महिलांही तळ्यात मासे पकडताना दिसून येत होत्या.

Kolamba Lake Karapur
Kolamba Lake: कमळांसाठी प्रसिद्ध असलेले गोव्यातील 'कोळम' तळे उद्धाराच्या प्रतीक्षेत! पर्यटनदृष्ट्या विकास होण्याची गरज

तळ्‍यात मगरींचे दर्शन

गेल्या काही वर्षांपासून ‘कोळम’ तळ्यात मगरींचा संचार दिसून येत आहे. सात वर्षांपूर्वी तळ्यात मासे पकडताना स्थानिक युवकांनी एक मगरही पकडली होती. आजही तळ्यात दोन मगरी आढळून आल्या. तळ्यातील पाणी आटताच आणि तळ्यात गर्दी होताच दोन मगरी पाण्याबाहेर आल्या. मात्र या मगरींनी कोणावरही हल्ला केला नाही.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com