कोची येथून 2021 साली बेपत्ता झालेल्या तरुणाचा गोव्यात खून झाल्याचे पोलिसांनी स्पष्ट केले आहे. सुमारे दोन वर्षानंतर आरोपींनी याबाबत कबुली दिली आहे. तिघांच्या एका टोळीने ही हत्या केल्याचे शनिवारी पोलिसांनी स्पष्ट केले आहे.
जेफ जॉन लुईस (वय 27, रा. एर्नाकुलम) असे खून झालेल्या तरुणाचे नाव आहे. याप्रकरणी अनिल चाको, स्टेफिन आणि विष्णू (रा. कोट्टायम, वायनाड) या तिघांना अटक केली आहे.
पूर्वीच्या वादातून तिघांनी मिळून जेफची हत्या केल्याचे कोची शहराचे पोलीस आयुक्त ए अकबर यांनी माध्यमांना सांगितले. अटकेतील तिघांनी गुन्ह्याची कबुली दिल्याचे अधिकाऱ्याने सांगितले.
या गुन्ह्यात आणखी कोणाचा सहभाग आहे का याचा तपास पोलिसांच्या वतीने घेतला जात आहे. असेही पोलीस आयुक्तांनी सांगितले.
पोलिसांच्या म्हणण्यानुसार, कोट्टायम वेल्लूर येथील अनिल चाको याच्याविरोधात यापूर्वी KAAPA अंतर्गत गुन्हा दाखल करण्यात आला होता. वेल्लूर पोलिसांनी दुसरा आरोपी स्टेफिनविरुद्धही गुन्हा दाखल केला आहे.
दरम्यान, पोलिसांनी आरोपींची कसून चौकशी केली असता त्यातील संशयित विष्णू यांनी जेफ लुईस याच्या खूनाची कबुली दिली आहे. पूर्वीच्या जुन्या वादातून तिघांनी मिळून खून केल्याची कबुली त्यांनी दिली आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.