Kidney Transplant : किडनी प्रत्यारोपणासाठी मदत करण्याचे आवाहन

Kidney Transplant : मोरजी, सोणये-पालये येथील तेजल मनोहर पेडणेकर (३०) हिच्यावर किडनी प्रत्यारोपण शस्त्रक्रिया हेल्थवे इस्पितळात यशस्वीपणे पार पडली. तिची आई गुणवंती पेडणेकर यांनी किडनी दान केली.

पेडणेकर कुटुंबीय गरीब असून आतापर्यंत अनेकांनी केलेल्या मदतीच्या आधारावर त्यांनी हे धाडस केले. तरीही एकूण शस्त्रक्रियेचा खर्च मोठा असल्याने पेडणेकर कुटुंबीयांनी दात्यांकडे मदतीसाठी आवाहन केले आहे.

हेल्थवे इस्पितळाच्या वरिष्ठ सल्लागार नेफ्रॉलॉजिस्ट डॉ. शीतल लिंगडे यांच्या नेतृत्वाखाली डॉक्टरांचे पथक तेजलवर उपचार करत आहे.

ही शस्त्रक्रिया यशस्वी झाली असली तरी काही दिवस तिच्यावर इस्पितळात उपचार सुरू राहणार आहेत. तेजलच्या उपचारांसाठी नागरिकांनी सढळ हस्ते मदत करावी. त्यासाठी इच्छुक दात्यांनी ९८२३८९०५०५ या क्रमांकावर थेट संपर्क साधावा, असे आवाहन करण्यात आले आहे.