Valpoi News : वाळपई, खोतोडा-सत्तरी पंचायतीच्या सरपंचपदी रोहिदास गावकर यांची बिनविरोध निवड करण्यात आली. काही दिवसांपूर्वी नामदेव राणे यांनी पदाचा राजीनामा दिला होता. अलिखित करारानुसार सर्वांना एक वर्षासाठी सरपंचपद बहाल करण्यात आले आहे.
करारानुसार आज रोहिदास गावकर यांची निवड करण्यात आली. वाळपई गटविकास कार्यालयाचे लक्ष्मण नाईक यांनी निवडीचे सर्व सोपस्कार पूर्ण केले.
यावेळी माजी सरपंच नामदेव राणे, सलोनी गावकर, उपसरपंच नंदिनी म्हाळशेकर, राजाराम परवार, प्रतिमा वंदेकर, प्रशिता गावकर आदींची उपस्थिती होती.
नवे सरपंच रोहिदास गावकर म्हणाले, खोतोडा पंचायतीच्या सर्वांगीण विकासासाठी सदैव सहकार्य करणार असून सर्व पंचायत सदस्यांच्या सहकार्याची आवश्यकता आहे.
आरोग्यमंत्री विश्‍वजित राणे यांच्या सहकार्यामुळे सत्तरीच्या विकासासाठी चालना मिळाली असुन गावचा विकास व गरजुना सहकार्य करणे हेच आपले प्रथम कर्तव्य आहे.
यावेळी सर्व पंच सभासदांनी रोहिदास गावकर यांचे अभिनंदन केले . नंदिनी म्हाळशेकर यांनी आभार मानले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.